Tools for IP protection

Ismijiet ta’ dominji simili

Meta tkun qed tagħmel tfittxija fil-WHOIS għal isem tad-dominju .eu, inti għandek aċċess għal lista ta' ismijiet tad-dominju reġistrati li huma simili għal dak l-isem tad-dominju (kif ukoll ismijiet ta' dominji simili fuq TLDs oħrajn), elenkati skont ix-xebh. Jekk inti d-detentur tal-isem tad-dominju li fittixt, inti tistà titlob li l-lista kompluta tal-ismijiet ta' dominji simili reġistrati tintbgħat lill-indirizz tal-email tiegħek. Biex jiġi evitat l-abbuż, din il-lista tistà tintbagħat biss darba fil-ġimgħa.

Li tkun taf liema ismijiet ta' dominji simili diġà huma rreġistrati tgħinek tevita kwistjonijiet legali, tiddifferenzja l-marka tiegħek, u ttejjeb il-fiduċja tal-klijenti. Din tgħin ukoll lill-istrateġija tiegħek biex ittejjeb il-klassifikazzjoni tiegħek fil-magni tat-tiftix u l-pożizzjonament tiegħek fis-suq.

Disponibbiltà tat-trademark Ewropea

Ir-riżultati tat-tfittxija fil-WHOIS għall-isem tad-dominju tiegħek se jindikaw jekk diġà hijiex irreġistrata trademark Ewropea bl-istess isem. Jekk it-trademark hija disponibbli, tista' ssegwi l-ħolqa li tieħdok għall-paġna web tal-Uffiċċju tal-Proprjetà Intellettwali tal-Unjoni Ewropea (EUIPO) għar-reġistrazzjonijiet tat-trademarks. Jekk it-trademark diġà hija rreġistrata, se ssib ħolqa li tipprovdi informazzjoni dwar id-detentur u l-kronoloġija tar-reġistrazzjoni.

Din l-għodda tippermettilek tieħu deċiżjonijiet infurmati dwar l-istrateġiji tal-immarkar, u tiżgura li l-isem tad-dominju tiegħek ikun distintiv u legalment konformi filwaqt li tipproteġi l-identità u r-reputazzjoni tan-negozju tiegħek.

Notifiki għad-detenturi tat-trademarks Ewropej

Meta jiġi rreġistrat isem tad-dominju .eu u dan ikun jaqbel ma' reġistrazzjoni jew applikazzjoni ta' trademark eżistenti, il-EUIPO jiġi nnotifikat u jibgħat twissija lid-detentur/lill-applikant, dment li dawn ikunu attivaw din il-funzjonalità fil-kont tal-EUIPO tagħhom.

Din is-sistema ta' twissija tippermetti azzjoni rapida kontra ksur potenzjali tat-trademarks, u b'hekk jissaħħu s-sigurtà u l-integrità ġenerali tad-drittijiet tal-proprjetà intellettwali fl-ispazju online.