Inizjattivi

Premjijiet Web

Il-Premjijiet Web .eu huma kompetizzjoni online, imnedija fl-2014, biex jiġu rikonoxxuti l-aħjar siti web bl-użu tal-estensjonijiet .eu, .ею jew .ευ. Dawn is-siti web huma ġġudikati f’sitt kategoriji: Leaders (Mexxejja), Rising stars, Laurels, House of .eu, Better World (Dinja Aħjar) u L-Aħjar ta’ .ею and .ευ

Matul is-snin, aħna rajna u tejjibna l-viżibbiltà ta’ mijiet ta’ siti web sbieħ, innovattivi u li jħallu impatt permezz tal-Premjijiet Web .eu.

Tista’ taqra aktar dwar il-kompetizzjoni fuq il-paġna uffiċjali tagħna Premjijiet Web.

Kompetizzjoni tal-Arti

Il-Kompetizzjoni tal-Arti SAFEonLINE tikkomplementa l-attivitajiet edukattivi u ta’ sensibilizzazzjoni tal-EURid fil-qasam tas-sigurtà online.

Din il-kompetizzjoni timmira sabiex tinkoraġġixxi lill-istudenti tal-iskola sekondarja biex ipinġu aspetti taċ-ċibersigurtà u tas-sikurezza tal-Internet f’kartellun li jkunu ddisinjaw huma stess. Bl-istedina tagħna lil artisti żgħażagħ għal din il-kompetizzjoni, aħna kellna l-intenzjoni li nattiraw l-attenzjoni tal-istudenti, u l-attenzjoni tal-ġenituri u tal-għalliema tagħhom – għall-isfidi tas-sigurtà tad-dinja diġitali moderna.

Għal aktar informazzjoni żur il-paġna tal-Kompetizzjoni tal-Arti tagħna.

L-impenn u l-avvenimenti internazzjonali

Bħala membru attiv tal-komunità tal-Internet, aħna nsibuha importanti li nkunu preżenti għal avvenimenti tal-industrija kemm iżgħar kif ukoll akbar, filwaqt li nikkondividu l-għarfien tagħna u nlaħħqu max-xejriet tal-industrija. Matul is-snin, aħna pparteċipajna b’mod regolari f’diversi avvenimenti madwar l-Ewropa, bħal DigitalK, Digital Assembly u Cloudfest, fost oħrajn.

Wieħed mill-proġetti li aħna kuntenti li ilna parti minnu mill-2016 huwa Codeweek –inizjattiva fil-livell lokali li twassal l-ikkowdjar u l-litteriżmu diġitali liċ-ċittadini Ewropej b’mod divertenti u impenjattiv. Il-proġett immira li jagħmel impatt ta’ benefiċċju fuq iż-żgħażagħ tal-lum. Aħna qed norganizzaw aktar workshops u sessjonijiet interattivi b’xejn li jistgħu jieħdu sehem fihom tfal u għalliema mill-Ewropa kollha – dan kollu fi sforz biex ngħallmuhom elementi fundamentali tal-ikkowdjar, l-ipprogrammar u r-robotika.