Tionscnaimh

Duaiseanna Gréasáin

Comórtas ar líne is ea Gradaim Ghréasáin .eu, a seoladh in 2014, ina dtugtar aitheantas do na suíomhanna gréasáin is fearr a bhfuil iarmhíreanna .eu, .ею nó .ευ á n-úsáid acu. Déantar moltóireacht ar na suíomhanna gréasáin sin i sé cinn de chatagóirí: Ceannairí, Réaltaí atá ag teacht chun cinn, Gradaim, Teach .eu, Domhan Níos Fearr agus an Chuid is Fearr de .ею agus .ευ

Thar na blianta, trí Ghradaim Ghréasáin .eu, chonaiceamar agus chuireamar le hinfheictheacht na gcéadta suíomhanna gréasáin a bhí go hálainn, nuálach agus a raibh tionchar acu.

Is féidir leat tuilleadh a léamh faoin gcomórtas ar ár leathanach oifigiúil Gradaim Ghréasáin.

Comórtas Ealaíne

Cuireann Comórtas Ealaíne SAFEonLINE le gníomhaíochtaí feasachta oideachais EURid i réimse na slándála ar líne.

Tá sé mar aidhm ag an gcomórtas scoláirí ardscoile a spreagadh chun gnéithe den chibearshlándáil agus den tsábháilteacht ar an Idirlíon a léiriú i bpóstaer a dhearann siad féin. Trí chuireadh a thabhairt d’ealaíontóirí óga chuig an gcomórtas, bhí sé ar intinn againn scoláirí, a gcuid tuismitheoirí agus a gcuid múinteoirí a mhealladh – chun aird a dhíriú ar na dúshláin slándála a bhaineann leis an nua-aois dhigiteach.

Chun tuilleadh eolais a fháil, téigh chuig ár leathanach don Chomórtas Ealaíne.

Rannpháirtíocht agus imeachtaí idirnáisiúnta

Mar bhall gníomhach de phobal an idirlín, tuigimid go bhfuil sé tábhachtach a bheith i láthair ag imeachtaí tionscail idir bheag agus mhór, agus ár gcuid eolais a roinnt agus teacht ar na treochtaí is déanaí sa tionscal. Thar na blianta, ghlacamar páirt go rialta i roinnt imeachtaí ar fud na hEorpa, amhail DigitalK, Digital Assembly agus Cloudfest, i measc imeachtaí eile.

Ar cheann de na tionscadail a raibh áthas orainn a bheith páirteach ann ó 2016 i leith tá Codeweek –tionscnamh de chuid an ghnáthphobail a thugann códú agus litearthacht dhigiteach chuig saoránaigh Eorpacha ar bhealach atá spraíúil agus tarraingteach. Bhí sé mar aidhm ag an tionscadal seo tionchar dearfach a imirt ar aos óg an lae inniu. Táimid ag eagrú tuilleadh ceardlanna saor in aisce agus seisiúin idirghníomhacha do leanaí agus do mhúinteoirí chun a bheith páirteach iontu ar fud na hEorpa – agus é sin ar fad á dhéanamh ar mhaithe le bunphrionsabail an chódaithe, an ríomhchlárúcháin agus na róbataice a mhúineadh dóibh.