Aithne-a-Chur-ar-do-Chustaiméir (KYC)
Is é an cuspóir atá againn maidir le Feidhmiú Aithne a chur ar do Chustaiméir(KYC) ná go mbeadh ar chumas sealbhóirí ainmneacha fearainn ón Aontas Eorpach agus ón Limistéar Eorpach Eacnamaíoch a gcuid sonraí clárúcháin a dheimhniú ar bhealach uathoibrithe agus úsáid á baint acu as ceann de na modhanna atá ar fáil dóibh inone of the available methods at their disposal in ardán https://my.eurid.eu de chuid EURid. Tá cur síos níos mionsonraithe thíos ar na modhanna atá ar fáil faoi láthair. Cuireann an tseirbhís sin dlús leis an bpróiseas a bhaineann le sonraí clárúcháin a bhailíochtú agus laghdaíonn sí an t-ualach riaracháin atá ar shealbhóirí ainmneacha fearainn. Tabhair do d’aire, le do thoil nach bhfuil na modhanna go léir a bhfuil cur síos orthu thíos ar fáil sna tíortha go léir san Aontas Eorpach agus sa Limistéar Eorpach Eacnamaíoch.
Bailíochtú trí chárta aitheantais leictreonach (eID)
Má tá cárta aitheantais leictreonach agat, féadfaidh tú do shonraí clárúcháin a dheimhniú le eIDAS.
Tá fás tapa ag teacht ar chártaí aitheantais leictreonacha mar chártaí aitheantais caighdeánacha laistigh den Aontas Eorpach, a bhuíochas do eIDAS, a chinntíonn gur féidir le daoine agus gnólachtaí a n-aitheantas náisiúnta leictreonach (eIDanna) féin a úsáid chun rochtain a fháil ar sheirbhísí ar líne ar fud Bhallstáit an Aontais Eorpaigh.
Leanfaimid de bheith ag comhtháthú scéimeanna aitheantais leictreonaigh nua ó Bhallstáit eile, a bhfuil leibhéil ráthaíochta atá leordhóthanach acu, inár gcórais.
Bailíochtú trí scanadh MRZ agus SMS
Tá Crios Meaisín-inléite (MRZ) i bhformhór na ndoiciméad aitheantais nó taistil ina bhfuil eolas ionchódaithe a bhaineann le sonraí pearsanta (amhail ainm iomlán, tír shaoránachta, agus uimhir an doiciméid). I dtús báire, cuireann an sealbhóir ainm fearainn a uimhir nó a huimhir fóin póca isteach agus faigheann sé nó sí teachtaireacht téacs ina bhfuil nasc uathúil. Osclaíonn an nasc sin feidhmchlár nuafhorbartha a threoraíonn an sealbhóir ainm fearainn tríd an bpróiseas chun an Crios Meaisín-inléite ina ndéantar a dhoiciméad nó a doiciméad aitheantais a scanadh. Ní fhágann aon sonraí an fón póca nó go mbeidh siad deimhnithe ag an úsáideoir. Tacaítear leis modh bailíochtaithe sin i ngach ceann den 24 teanga oifigiúil de chuid an Aontais Eorpaigh.
Bailíochtú trí aistrithe bainc
Is féidir le sealbhóirí ainmneacha fearainn atá ag iarraidh Ráiteas Sealbhaíochta a fháil a sonraí clárúcháin a dheimhniú má aistríonn siad suim bheag (níos lú aon EUR) go díreach chun cuntas bainc EURid. Is gá go mbeadh cód sé dhigit san aistriú bainc, a thaispeántar nuair a roghnaítear an modh sin ar thairseach my.eurid.eu. A luaithe agus a fhaightear an íocaíocht, cuirfidh EUR na sonraí ón gcuntas bainc le heolas shealbhóirí an ainm fearainn. Má mheaitseálann an t-eolas, eiseofar an Ráiteas Sealbhaíochta go huathoibríoch.
Beidh sé de rogha ag sealbhóirí ainmneacha fearainn ar iarradh orthu a sonraí clárúcháin a dheimhniú é sin a dhéanamh trí íocaíocht bheag bhainc (níos lú na aon EUR) a fháil ó EURid. Déanfaidh EURid íocaíocht bheag, lena n-áirítear cód sé dhigit. Nuair a bheidh an íocaíocht sin faighte, logálfaidh sealbhóir an ainm fearainn isteach ar my.eurid.eu agus cuirfidh sé isteach an cód chun a shonraí clárúcháin a dheimhniú.
Bailíochtú trí chárta creidmheasa
Féadfaidh sealbhóirí ainmneacha fearainn cárta creidmheasa a úsáid chun a sonraí clárúcháin a bhailíochtú. Ní choimeádfaidh EURid aon chistí ná ní ghearrfaidh sé táille ar an gcárta, agus ní bheidh aon idirbheart le feiceáil ar ráiteas an chárta creidmheasa.
Próiseas trí chéim
I gcás sealbhóirí ainmneacha fearainn a n-éilítear orthu a sonraí clárúcháin a fhíorú ar na modhanna a leagtar amach thuas, tá 3 nó sé seachtaine acu chun sin a dhéanamh, ag brath ar na cúinsí a bhaineann leis an iarraidh ar bhailíochtú;
1. Ar an gcéad dul síos, iarrfar ar shealbhóirí ainmneacha fearainn, trí ríomhphost, na sonraí clárúcháin atá nasctha lena n-ainm(neacha) fearainn a dheimhniú. Is féidir leo é sin a dhéanamh ar a gcuntas My.eu ach cód rochtana a iarraidh ar https://my.eurid.eu agus beidh sé sin bailí ar feadh 2 uair an chloig. Is féidir le daoine príobháideacha an próiseas fíoraithe a chur i gcrích freisin mar ionadaithe ar son cuideachta nó cumainn.
2. A luaithe agus atáthar logáilte isteach ar thairseach https://my.eurid.eu, ní mór do shealbhóir ainm fearainn a shonraí clárúcháin a athbhreithniú i dtús báire (más gá iad a nuashonrú, ba cheart teagmháil a dhéanamh leis an gcláraitheoir chun é sin a dhéanamh) agus roghnú as na modhanna atá ar fáil chun a shonraí clárúcháin a bhailíochtú.
3. Má tá an fhianaise a chuireann an sealbhóir ainm fearainn isteach díreach mar an gcéanna leis na sonraí clárúcháin, déanfar an t-ainm fearainn a ghníomhachtú. Mura bhfuil an fhianaise ag teacht leis na sonraí clárúcháin, déanfaidh EURid bailíochtú de láimh.